Sa iyong mga tala binitbit ang araw
Maningning makislap lahat ng umaga
Pinagsalong ganda at kumukutitap
Muling umiindak tuwang aligaga
Ngiting iyong bungad banayad ang haplos
Itong aking puso una'y nagalangan
Ngunit mahulog man, maging pira-piraso
Iyong napapawi kabang inabangan
Mainit na yapos ng iyong pagtangis
May kawing sa dibdib minsan ang ligaya
Pag-asang inasam sana nga'y makamit
Pangakong sa akin dala ng haraya
Muli magliwanag baliw at wasak
Naghahangad muli manatiling kislap
Sa pintong bubuksan, mainit na halik
Masidhing pag-akap ninakaw na kisap
++++++++++++++++++++++++++++++
Mula sa CoronaDiaries
Ang gabi ay hindi magtatapos habang ang iyong ala-ala ay dumadaloy sa aking mga akda.
Originally created on Monday, November 19, 2012
No comments:
Post a Comment