mabango ang kahong nagmula sa tate
malaki saking mga paslit na mata
nasa loob ang kay raming tsokolate
gustong gusto ko nang magbukas, ngumata
sa loob kaya ay naroon si mami
pagkasabik at pagtatangis sa kan'ya
tulad ng mga tsoklate'y marami
makasama s'ya ay tunay kong haraya
ang samyo nitong kahon ay natatangi
maraming mga damit, mga laruan
pinaghihirapan ni dadi sa saudi
dito sa ami'y pinagkakaguluhan
mula sa kahon kaya ay bubulaga
si dadi'y nagtatago, bumubungisngis
makasama s'ya, sa aki'y mahalaga
sa muling pagsilay, sya'y aking i-kikiss
sa malaking box magbabahay-bahayan
baka nag-iwan sila rito ng halik
kahit dito sila ay mararamdaman
saking pangarap kami ay hahagikgik
sa pagdating nila ako'y maghihintay
pagkalapag ng kahon ay mag-aasam
sa eroplanong sila sana ang sakay
pauwing pinas, ito'y aking dasal
-- 09 / 24 / 2011 --
salamat sir manny. B)
No comments:
Post a Comment