Pota

Nagngangalit ang damdaming nagtyaga
Magmahal at mamayapa sa dibdib
Nitong nanggigil na pangangalaga
Sa nabuhol at naguluhang lubid

Putanginang bumulag sa pag-ibig ka
Na nagpaikot ng mundong humalay
Sa hilaw at murang diwang nagtataka
Sa kagandahan ng bangkang bumabaybay

Putanginang nagpabulag sa bangkero
Na kay tamis ang dila na humahaplos
Sa kwento ay taob ang kalbong barbero
Na kahit pusong nagupitan ay tapos

Putanginang tangang akala ay paslit
Na ang kending tinago ay inaagaw
Ng inggiterang ubod sa pagkayagit
Utak ay pinakulong medyas na sabaw

Potang kwento ng pag-iibigan ito
Gugulo sa mundong akala'y uminog
Sa mga tauhang isa lang ang lito
Puso't diwa, bagang sa yosi nasunog