Para kay Katrina

Sa konting lakad lamang ay naaabot
Ang isang mundong para lamang sa amin
Naglalaho mga makamundong kirot
Habang mga damdami’y totoo pa rin

Doon sa may Raymundo Gate, may hagdanan
May kasamang coke at ilang stick ng yosi
Konting pagmasid sa mga nagdaraan
Sa diwa naman nami’y magbubusisi

Kakalimot sa mga sakit ng ulo
Sa kalmadong ilog ay magpapaanod
Magpalamig mula sa mundong magulo
Sa katahimka’y kami’y magpalunod

Isang pusang nakahiga sa kandungan
Na nakikinig sa aking mga kwento
Sa akin may tangan na katahimikan
Pagkakaibigang kami ay kuntento

Kung ako ay may naidulot sa kanya
Bagay na hindi ko man lamang mawari
Ngunit sa ngiti n’ya ako ay masaya
At langit ko’y dinalhan ng bahaghari