V: Bella

Siguro nga'y epekto'y naging malaki
Mga tinuro'y sadyang hindi kukupas
Kahit na sabihin pang wala nang paki
Mga nakasanayan ay di lilipas

Sa akin ngang pagpikit upang mag-isip
Kung tama ba o mali aking gagawin
Mapag-alalang mukha ay masisilip
Maari mong sabihin ang didinggin

Itong mga plano na isasagawa
Isang pikit lang ay aalalahanin
Kung paano mo saguti't isagawa
Ang pagtahak sa ilog na babaybayin

Siguro'y kahit pano ika'y natatak
Sa utak at pusong nabasag, nasawi
Magpapatuloy ng may lakas at  batak
Kahit ano pang unos di mahahawi

VII: Na Naman

paulit ulit
tila makatotohanan
lalakbayin mo ang oras
na pagkahaba haba ngunit
ang makatotohanan
isang oras ka lamang naidlip

muli't muling
magpapakatotoo nga ba?
mararamdaman mong muli
ang sarap at pagkatanggap
masakit, tila totoo
ang kahibangan galak
tangan ng magulong panaginip

IV: Pulubi't Awa

Nanlilimos lang ng pagtingin at oras
Sa pagsinta ng sinisintang nalaos
Sana'y di naglaon pag-irog na wagas
Pag-ibig niyang sana'y hindi natapos

Kung sa bawat oras n'yang aking hihingin
Saglit lamang at pilitang ninanakaw
Dinarasal kong sana'y man lamang dinggin
Muli kami ay sa pag-ibig magsayaw

Muli sana'y dating kami'y manumbalik
Sa pag-ibig kong matinding naghahangad
Na maulit muli kanyang mga halik
At pagmamahal nya'y maulit, lumantad

III: Pagsilip

Mula sa 'sang masarap na pagkahimbing
Mamulat sa 'sang pamilyar na umaga
Naliligiran ng pamilyar na dingding
Paggising sa isang pamilyar na uga

Halimuyak ng yosi ang naaamoy
Sa umagang iyo nang nakasanayan
Mga takatak sa keyboard, tuloy tuloy
Mga daliring malaya sa tulaan

Sa'yong noo'y may matamis na halik
Pagkakataong akala'y 'di na maulit
Sinong mag-aakalang ito'y babalik
Maaari bang ito'y aking masulit

Kay sarap na muli't muling mahahagkan
Ng mga bisig na tangan ay ligaya
Ng 'sang pag-iirog na s'yang nananahan
Sa dalawang puso't diwang nagsasaya

Habang nagpapakabusog sa agahan
Na inihanda ng may pag-aalaga
Mahinahong suliti't ika'y manahan
Sa sandaling minsan, sana'y mag-aruga

Mula sa pamilyar na umagang matamis
Pagdilim ng langit ay muling susuklob
Sa pag-ibig na kagulat na kay bilis
Nagkatotoo nga ang pusong may kutob

Sa 'sang panaginip muling nakasilay
Pag-gising mo'y narito na't may paghalik
Mamulat sa pangarap, muling mapilay
Sa kahapong kailanmay 'di na babalik

Akala'y paggising ay katotohanan
Kay ganda ng panaginip na may buhay
Sana ay hindi na muli pang nilisan
Sa aking reyalidad na lang humalay

Paulit ulit ikaw nga'y mabubuhay
Sa panaginip na inaasam asam
Muli't muli ka rin namang mamatay
Sa katotohanang di naman manamnam

II: Tulala

Habang ang diwa'y malayong naglalakbay
Sa masukal na kalungkutan ng pusong
Piniling manahan sa casa de lumbay
Sarili ay pagdadamutan ng tulong

Mananahimik at luluha na lamang
Doon sa marumi at madilim na sulok
Maghihintay habang tulala sa parang
Nagninilay sa sakit na di maarok

Nagtataka sa sinapit ng inibig
Ng pag-ibig na nabulag  ng pangarap
Kasinungalingang humalik sa bibig
Bumuo ng sariling mundo sa sarap

Diwa'y ngangata lamang ng mga tula
Pusong nasadlak ang pag-aalayan
Pusong tuluyang namanhid at tulala
Diwa'y hihintayin sa anumang tangan

I: Tigang

Ayan, wala man lang akong maisulat
Puso'y wala man lamang maisiwalat
Itong kaulungkutan na tanging nagbuhat
Hapdi at katigangan na bumabanat

Iyong puso'y muling masanay turuan
Na maging manhid sa iyong kalumbayan
Maging malakas sa mga kasawian
Magpakatatag, matibay, manindigan

Tapusin na ang iyong pangungulila
Sa pusong sa iyo ay nagkasala
Tumigil, manawa sa'yong pagtulala
Bulag na paghiling sa'yong mga tala

Hayaan na maging manhid, isang bato
Sa mga potang emosyong magtatato
Ng kasawian ikaw nga ay matuto
Ito'y palaging sa sarili'y ikwento

VIII: Libog sa Bukang Liwayway

Gigising sa madaling araw at sabog
Mga imahe sa aking panaginip
Lahat nakakapraning, nakakalibog
Isipang sa kalungkuta'y nahahagip

Mga pangarap na minsan nang binuo
Mabibigyang buhay sa madaling araw
At sa pagmulat ng mata ay guguho
Upang isipa'y tuluyang nang mamanglaw

Hindi na muling makahimbing sa libog
Na binuhay ng pusong di makapalag
Sa hapding hinahatid nitong pagtulog
Sa pangarap nating nawala, nabasag

Ako nga ay minsanan nang  nabubulag
Sa di makatotohanang pagbisita
Ng mga pagnanasang nakahahabag
Sa paggising nakapagpapairita

Ngunit kung sa ganitong paraan lamang
Makamit mga naudlot na ninasa
Paulit ulit na akong manlalamang
Sa paghimbing upang ika'y matamasa

VI: Pathetic

Etched in my own imagination
His face that can't be drawn by my hands
In my dreams, in times I close my eyes
It has found its perfect place to land

Our memories have lasted for minutes
For his touch that has made perfection
Driving me back to loving him more
Safely finds its endeared emotion

And when the silence suddenly falls
His voice whispers, lingers in my ears
Beautiful sound, sweet and caressing
Echoing, digging in my heart here

My very hopeful and waiting dreams
For his love I desperately wish
With warm welcome for each dear morning
Please come back, let our love replenish