si ineng sa kasilyas

sa loob ng kasilyas, ikaw lamang at ang ang apat nitong dingding ang nakakaalam.

papalapit na siya

matipuno ang tindig

awra'y nakaaaya

ako'y napa-iibig

diwa nga ay nagsalsal

sa tuwing magsarili

gawain n'ya sa kural

sinong magkapagsabi?

mapangakit na libog

nakatitig at mahalay

babaeng maalindog

pumapawi sa lumbay

isipa'y nanaghoy

habang sya'y naka-upo

palikurang maamoy

ano ang sinusugpo?

sinong nakakaalam

kundi apat na dingding

sa kwentong malinamnam

sila ang magdadaing

ang lihim ng kasilyas

sa kanya ay panimdim

itinatagong lihim

sa'yo, ito ay hiyas

Lumang Pluma sa Kamay ng Natigang

Isip nga'y di mapakali, aligaga
Nais kumawala sa aking bunbunan
Naghuhumiyaw at nagpapakagaga
Sa galit at gulong napagtatapunan

Kapeng inihandang mainit, mausok
Humalimuyak sa pait, tamis, sarap
Nanlalamig na lamang ngayon sa sulok
Kanyang sarap, di na muling malalanghap

Kending kay tamis, hinubog ng makulay
Pagdaka'y naubos din kanyang linamnam
Dilang humagod, walang hiyang humalay
Lollipop na 'di na maulit makakamkam

Plumang humabi ng magagandang himig
Huminga ng mga damdaming nag-init
Ngayo'y pudpod na't wala na kanyang kisig
Ni kapiranggot ay di na muling sisirit

Pagcintang cininta'y naluma nang cinta
Naglaho na, yapos-yapos na liwanag
Sa kadilima'y tuluyang nang pumunta
Walang cahit 'sang pagyacap ng 'yong cinag

Pagbabagtas ng mga damdaming tigang
Natapos nang tuluyan, nawalang malay
Wala nang pagsasabwata't paglalambing
Laplapan ng mga makatang mahalay

umay

Nanginginig ang aking mga laman
Sa panggigil ng mga damdamin
Para sa sinisintang di malamangan
Sa katotohanan ay di mapaamin

Sa iyo nagkubli ang pusong pagal
Pagmamahal ay minsan nitong nilimot
Sa'yo lang di nakapalag, di tumagal
Ang pagmamatigas na masalimuot

Ngayon ako na nga'y sa'yo natitiklop
Mga bisig mo lamang ang kahinaan
Ng nagngangalit ng mga luhang tutop
Ang iyong lihim na kasinungalingan

Pa'no matahimik ang unos sa dibdib
Kung ikaw'y wala man lang sinasambit
Upang palayain lungkot sa bilibid
Pagkaumay ko ay siya nang sumisirit

Anino ng Nakaraan

Ang anino ng yong nakaraan
May kamay na ayaw na pumiglas
Sa iyong paang sugatan
Ng kahapong ganda'y nalagas

Nakulob ka sa sirang pangarap
Na minsang lumipad ng matayog
Tila 'sang lobo sa alapaap
Lubhang gulat nang ito'y sumabog

tigang (?)

Isulat mo iyong diwa
Hayaan lamang ang pag-agos
Ng isipan upang manawa
Hanggang mapagod at matapos

Isiwalat ang iyong puso
Ipakita lahat ng laman
Kahit na sa iisang bugso
Sa isip makipagsabwatan

'Tong makatang ubod sa tigang
Pilit na pilit sa paglikha
Ng mga tulang malalambing
Nang dahil sa irog ang katha

bitter taste of love

i love the every sip of
you, my most love vanilla
that i would always love to drink.
each sip of this coffee is
heaven. that sweet taste is
mouth watering. you don't know,
how much i love to taste
the sweet you, again.


i love the kick of every
gulp, how you have understand the
forgetting i needed for a while.
that bitter taste you cause
in my taste buds is nothing
compared to the relaxing effect
you bring. you are always within reach
and i never want to lose you.


would there be any change
at all?
if i would try to drink those two
at the same time?