Isang Daang Tanong, Isang Talinhaga

Talinhagang balot
                 sa aking pagkatao
Pinipilit na ika'y
                 mabigyang sagot
Nginangat at
                sinasagad na bao
Yaong pag-irog mo
                sinta'y hinuhugot

Tamis ng bugtong
               kinayos ng panahon
Lagkit na madikit
               tuluyang maglaon
Kasagutang ninanasang
               maikahon
Sa talihagan sinta
              di makaahon

Bumabayo ka
              sa aking ala-ala
Unti unting dinudurog
              aking diwa
Pait ng katotohanang
              sinasala
Isang daang katanungan
              sana'y manawa



April 14, 2011

pag-ibig, malandi, kabaliwan

1       Kabaliwan kang ibig nang lubos,
2       Wasaking unti unti 'tong diwa,
3       Ulitin masugid na pagpuspos.
4       Sa aking gunita'y manawa;
5       Suyuring mabuti bawat sulok
6       Ng pusong wala sa katinuan,
7       Pagkatong sumabog sa rurok,
8       At isipang lugmok sa kawalan.
9       Sa katahimikang nakakamit,
10     Nangungulila sa muling pagsulpot:
11     Baliw na biglang mangalabit,
12     Saki'y mapusok na pumulupot.
13     Pag-irog na maharot, kay hitad,
14     Sanhi ng lahat ng pagbaliktad.


April 17, 2011