Hihigop ng kape at sa 'yo'y titig
Usok ibuga, sigarlyong may bisig
Sa diwa't damdaming mayro'ng paghihimig.
Iiyak na naman ba ang mga titik?
Sobrang sakit, sugatang pusong natinik
Mayro'ng paglaya sa kandilang tinirik
Tiwalang tunaw sa pag-ibig na lintik
Sa nanuyong luha ba'y may pagkalaya?
Sa himig ng mga tulang nag-aaya
Limutin ang lungkot, muling sumaya
Ikaw aking irog, mahilig mandaya
Pa'no magtiwala kung ito'y nawasak?
Magpapakalunod sa kape ng starbucks
Tulungang maghilom ang pusong natarak
Ano nga ba sa akin ay binabalak?
